Хæстон поэты бынтæ

Дзæуджыхъæуы национ наукон чиныгдоны уыд, Чехойты Сæрæбийы роман «Цæр» æххæстæй кæй рауагътой, уыимæ баст бæрæгбон. Ирон поэзи зæрдæйæ чи уарзы, уыдонæн авторы ном æнæзонгæ нæу. Сæрæби канд æмдзæвгæтæ нæ фыста, фæлæ ма прозаикон уацмыстæ дæр. Уыд Фыдыбæстæйы Стыр хæсты архайæг. Йæ номыл литературон изæр æрбангом кодта цалдæр фæлтæры уазджыты, хъуыстой Сæрæбийы аив æвзагæй нывæзт рæнхъытæм. Æрбацыдысты ма Чехойты мыггаджы минæвæрттæ Уæлладжыры ком æмæ Бæрæгъуынæй. Чиныг цæмæй рухс фена, уымæн хорз æххуыс бакодтой республикæйы сæргълæууæг Битарты Вячеслав æмæ культурæйы министрад. Чиныг та бацæттæ кодта филологон наукæты кандидат Тъехты Тамерлан. Æдæппæтæй мыхуыры рацыд 300 чиныджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv