«Электроцинчы» хъысмæт

Абон Хицауады хæдзары дзырдтой завод "Электроцинчы" дарддæры хъысмæтыл. Сæрмагонд къамис сæмбырд дыккаг хатт. Æмбырд амыдта хицауады сæрдары хæдивæг Фадзайты Æхсарбег. Сбæлвырд кодтой 6 куыстадон къорды саразын - экологон-технологон, медицинон-биологон, социалон-экономикон, барадон, заводимæ æмархайды æмæ информацион куысты фæдыл. Равзæрстой уал сын сæ разамонджыты. Къуырийы `мгъуыдмæ уыдон хъуамæ бадæттой, къордты уæнгтæм кæй бахæсдзысты, уыдоны номхыгъдтæ. Бахъæудзæн ма сæ, цы пълантæ сæм ис сæ куысты тыххæй, уый дæр раргом кæнын. Æмбырды архайджытæ ма æмдзыхæй куыд загътой, афтæмæй завод хъуамæ ма куса иртасæн куыстыты кæронмæ. Уый фæдыл курдиат бацæттæ кæндзысты заводы разамындмæ дæр. Гæнæн ис, æмæ сын æй абон дæр загътаиккой, фæлæ та уыдон ныр дыккаг хатт æмбырдмæ нæ фæзындысты. Афтæмæй та йæ генералон директор Игорь Ходыко у къамисы уæнг. Фадзайты Æхсарбег ма фæсидт, ныртæккæ æгуыстæй чи баззад, уыцы адæмы хъысмæтыл дæр ахъуыды кæнынмæ. Фæлæ ма уæлдай хатт фæбæлвырд кодта, цыфæнды уæд, адæмы æдасдзинад æмæ æнæниз цард у æппæты ахсджиагдæр хæс. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv