«Ярыгин» ы номыл турниры Цæгат Ирыстонæй архайджыты сбæрæг кодтой

Уæгъдибар хъæбысхæсты хуыздæр минæвæрттæ сæмбырд уыдзысты Красноярскы. Уым ацæудзæн егъау æппæтдунеон спортивон мадзал - «Иван Ярыгин»-ы номыл турнир. Республикæйы иугонд командæйы сæйраг тренер Гозымты Хетæг спортсменты номхыгъд сбæлвырд кодта. Афтæмæй тохы бацæудзысты Тускъаты Азæмæт, Хæдарцаты Алыксандр, Рæмонты Сослан. Техникон цæттæдзинад равдисдзысты Хуыбежты Кахабер, Байаты Давид, Уалыты Чермен æмæ Радик, Цæболты Хетик æмæ Куыдзойты Алан. Æдæппæтæй турниры алы уæзты бацархайдзæн 29 ирон спортсмены. Сæйраг тренертæ уынаффæ рахастой Сидахъаты Зауырбеджы ерыстæй суæгъд кæнын. Нæ дзы архайдзысты Уалыты Владислав æмæ Гæззаты Батраз дæр. Дунеон турнир Гран-при «Иван Ярыгин»-ы ерысгæнджытæ сæхи æнтысджынæй чи равдиса уыдонæн уыдзæн Европæйы чемпионат æмæ Дунеон Кубокы ерыстæй балцæгтæ райсыны фадат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv