Азнавур Мкртычаны равдыст байгом Национ наукон чиныгдоны

Константинополь, Рагон Рим, 15-æм æнусы Мæскуы - æмæ алцыдæр миниатюрæты хуызы. Равдыст "Русско-византийский мир" байгом кодтой национ наукон чиныгдоны. Йæ автор у Цæгат Ирыстоны паддзахадон университеты историон факультеты студент Азнавур Мкртычан. Уый бавдыста 16 куысты пластилинæй. Севастополь, Дæллаг Новгород, Казань, Санкт-Петербурджы историон макеттæ. Уыдонæй уæлдай ма се 'хсæн ис Дзæуджыхъæуы фенинаг бынæтты миниатюрæтæ: Сунниттаг мæзджыт, ирон æмæ сомихаг аргъуантæ. Алы макеты дæр бæрæг сты суанг лыстæг хæйттæ дæр.