Спъирт кæм ис, ахæм энергетиктæ та, гæнæн ис, æмæ фæзыной Уæрæсейы дуканиты тæрхæджытыл

Уый тыххæй хъусын кæны РИА-Новости. Евразиаг экономикон къамисы æмбырды уæнгтæ, чи зоны, æмæ бадомдзысты Мæскуыйæ, цæмæй карз энергетиктæ ногæй уæй кæныны бар радтой. Энергетикон нозт уадзын æмæ йæ парахат кæныны закъон Уæрæсейы сфидар кодтой 2018-æм азы райдиан. Продукци ныр уæй кæнынц æрмæстдæр фæсарæнтæм. Уæ зæрдыл уын æрлæууын кæндзыстæм, республикон закъонмæ гæсгæ дæр спъиртимæ æмхæццæ энергетиктæ Цæгат Ирыстоны парахат кæныны бар нæй. Энергетикон нозт уадзынц алыхуызæн буаргъæдтæй. Спъиртхъæстæ нозтимæ сæ куы баназай, уæд адæймагæн свæййы маргджын. Дохтырты ныхæстæм гæсгæ, иу банкæйæ адæймагæн ницы уыдзæн. Фæлæ сыл чи сахуыр вæййы, уыдоны æнæниздзинадæн хæссы зиан. Кофеин, гуаранæ æмæ таурины буаргъæдтæ иумæ нуазыны фæтк расайы алыхуызон фæстиуджытæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv