Сергей Меняйло бабæрæг кодта ТАСС-ы штаб

Сергей Меняйло ТАСС-ы штаб бабæрæг кодта. Сæргълæууæг фембæлд информацион агентады генералон директор Сергей Михайловимæ. Регионы разамонæг базонгæ ис уæрæсейаг егъау информацион агентады ног гæнæнтимæ æмæ бабæрæг кодта зындгонд фотокорреспондент, политикæимæ баст репортажты дæсны Владимира Мусаэльяны мемориалон музей-кабинет дæр. Уый ТАСС-ы фæкуыста 60 азы. Музей агентады йæ куыст райдыдта ацы аз сентябры. Сергей Михайлов радзырдта Сергей Меняйлойæн агентады ног проекттæ æмæ информацион политикæйы тыххæй. Фембæлды архайджытæ æрдзырдтой æмгуыстады фарстатыл дæр. Сæргълæууæг дзуапп радта журналистты фарстатæн. Куыд фæнысан кодта, афтæмæй информацион агентад ТАСС æнæхъæн дунейæн дæр у зонгæ бренд. Агентад уæлдай æргом здахы Цæгат Кавказы зæрдæмæдзæугæ фæлгонцмӕ, уый фæдыл арæзт цæуынц пресс-туртæ дзыллон-информацион фæрæзты раззагдæр минæвæрттæн, аразы ахуырадон программæ регионалон рауагъдадты минæвæрттæн. Уый та у хъæугæ æмæ ахсджиаг куыст. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv