Пайдайаг фембæлд

Цæгат Ирыстоны сæрдар фембæлд Новоангарскы æрзæтхъæздыггæнæн комбинаты генералон директор Гуыриаты Владимиримæ. Амалгæнæг куыд радзырдта, афтæмæй, ныртæккæ сбæрæг кодтой гуырæнуæтты кæм сты, уый. Ацы хъуыддаджы фæдыл æмбæлгæ министрадтæй æмæ уагдæттæй разыйы дзуапп райстой. Битарты Вячеслав амалгæнæгæн зæрдæ бавæрдта, экономикæ æмæ культурæйы рæзтæн ахъаз цы проекттæ сты, уыдонæн хицауад алцæмæй æххуыс кæндзæн. Хъуамæ æнтысджынæй æххæстгонд цæуой. Битарты Вячеслав раарфæ кодта Гуыриаты Владимирæн, зæрдиагæй Цæгат Ирыстонæн кæй æххуыс кæны, уый тыххæй. Йæ фæрцы Уæллаг Фыййагдоны цæрджытæ цæмæй тыхстысты, уыцы ахсджиаг фарста лыггонд цæуы. Хъæумæ, нуазынæн чи бæззы, ахæм дон никуыцæй цыд. Ныр хæхбæсты фæзынд, нырыккон домæнтæн дзуапп чи дæтты, ахæм дондзæуæн системæ. Йæ дæргъ - 4,5 километры. Уымæй уæлдай ма Фыййагдоны культурæйы ног хæдзары аивадон хихъæппæрисадон коллективæн скодта лæвар - ног уæлæдарæс. Ныр сæ авналæнтæ фæуæрæхдæр сты. Битарты Вячеслав ын уый фæдыл раарфæ кодта. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv