1999 азы, 19 мартъийы теракты амæттæгты мысынц Цæгат Ирыстоны

Цæгат Ирыстоны абон мысынц 1999 азы, 19 мартъийы теракты амæттæгты. Уæд горæты сæйраг базары скуыста, тротилы эквивалент 10 килограммæ кæмæн хæццæ кодта, ахæм рæмудзæн æрмæг. Æвирхъау цауы 52 адæймаджы фæмард, 150-йæн се `нæниздзинад фæцудыдта. Фыдракæнд саразджыты бафхæрдтой – уыдысты цыппарæй. Фыдгæнджыты къорды сæргълæууæг – Адам Цуров, йæ царды кæронмæ баддзæн ахæстоны. Абдулрахим Хутиев æмæ Махмуд Темирбиев ахæстоны фæбаддзысты 23 азы, Умар Ханиев та 10 азы, ахст адæмы карз уавæрты кæм фæдарынц, ахæм колонийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv