Оперативон штабы æмбырды ныхас цыд контракты бындурыл æфсæддон службæйы фарстатыл

Контракты бындурыл æфсæддон службæмæ æвзарæн хайады фарстатыл ныхас цыд оперативон штабы æмбырды. Цæгат Ирыстоны æфсадмæ расидты кампани цæуы фæткмæ гæсгæ. Уый тыххæй фехъусын кодта республикæйы æфсæддон комиссары хæстæ рæстæгмæ æххæстгæнæг Абрил Абдуллаев. Æмбырды архайджытæ ма дзырдтой æфсæнвæндаггон транспорты æдасдзинадыл. Цæгат Кавказы æфсæнвæндаджы сæйраг инженеры хæдивæг Павел РоманЕнко куыд фехъусын кодта, афтæмæй регионы территорийы цы объекттæ ис, уыдон хъахъхъæндзысты уæлæмхасæн тыхтæй. Сергей Меняйло фæсидт Оперативон штабы уæнгтæм, цæмæй бæстæйы Президенты размæвæрд хæстæ æххæстгонд æрцæуой. Сæйраг у бæстæйы цæрджыты æдасдзинад.