Туризмы рапарахат

Нæ республикæйы райрæзын кæндзысты мидтуризм. Битарты Вячеслав фембæлд туризмы комитеты разамонæджы хæстæ æххæстгæнæг Гæбуты Ольгæимæ. Йемæ æрныхас кодта, æндæр рæттæй нæм уазджытæ цæмæй зæрдиагдæрæй цæуой, уый тыххæй. Гæбуты Ольгæ республикæйы разамонæгæн радзырдта регионалон туристон форумы хатдзæгты тыххæй. Куыд фехъусын кодта, афтæмæй Санкт-Петербургаг туроператор цæттæ у нæ республикæйы кусынмæ. Йæ хайад байгом уыдзæн Дзæуджыхъæуы, Ирыстонмæ хондзæн уæрæсейаг æмæ фæсарæйнаг туристты. Ныртæккæ уал сын агурынц бынат. Битарты Вячеслав ма загъта нæ республикæйы туроператортимæ æнгомдæрæй кусыны тыххæй. Хъуамæ хæстæгдæр рæстæг семæ саразой иумæйаг æмбырд. Уымæй уæлдай туризмы комитеты йæ куыст фæхъомысджындæр кæнын хъæуы Цæгат Ирыстоны рæзты агентадимæ. Æрныхас ма кодтой хæххон курорт "Мамысон"-ыл. Бæлвырддæр та, проектыл бакусыны тыххæй хицауадæн йæ бон цы мадзæлттæ саразын у, ууыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv