Музыкалон изæр

Цæгат Ирыстоны паддзахадон филармонийы арæзт æрцыд республикæйы симфонион оркестры концерт. Дирижеры пульты уæлхъус лæууыд курдиатджын Чиа Амос. Сингапуйраг лæппу сфæлдыстадон куыст кæны Санкт Петербурджы. Ирыстонмæ уазæгуаты æрцыд фыццаг хатт. Аивадуарзджытæн фадат уыд æрыгон дирижеры сфæлдыстадимæ базонгæ кæнынæн. Чиа Амос у Сингапуры æппæтдунеон фестивалы сæйраг дирижер, Санкт Петербурджы дирижерты 'хсæн фестивалы лауреат. Уыимæ æмгуыст кæны дунейы зындгонддæр оркестртæ æмæ коллективтимæ. Ахуыр фæци Санкт-Петербурджы консерватори. Йæ дысныйад у алывæрсыг. Йæ музыкæйы ахорæнты руаджы концерт рауад цымыдисаг. Куыд зæгъы, афтæмæй Дзæуджыхъæуы оркестримæ ссардта иу æвзаг æмæ йын семæ у æнцон кусын. Музыкалон изæры азæлдысты Моцарты 36-æм симфони, Листы симфонион поэмæ «Прелюды» æмæ оперæтæй аритæ. Зал æрмæст рæсугъд нæу йæ æддейы бакастæй, фæлæ ма йæ акустикæ дæр тынг хорз у. Æнцон кусын у Дзæуджыхъæуы оркестримæ. Сæ дæсныйадыл тынг æнувыд сты. Моцарт æмæ Листы уацмыстæм хъусгæйæ аивадуарзджытæ уæлдай удæнцой исдзысты. Бирæ залтæ федтон æппæт дунейы дæр, фæлæ ацы филармонийæн ис йæхи аив азæлд. Мæхæдæг уарзын классикон уацмыстæ ног хуызы цæгъдын, ног цæстæнгасæм сæм ракæсын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv