Дзæуджыхъæуы уыд горæты минæвæртты 25-æм сессийы æмбырд

Дзæуджыхъæуы уыд горæты минæвæртты 25-æм сессийы æмбырд. Райдыдтой йæ æхсызгон цауæй - Республикæйы композиторты цæдисы сæрдар, аивæдты сгъуыхт архайæгæн саккаг кодтой «Дзæуджыхъæуы кадджын гражданины» ном. Дарддæр та æмбырды æрдзырдтой ахсджиаг социалон фарстатыл. Депутаттæ сфидар кодтой горæты уынгты рекламон конструкцитӕ æмæ фæйнæджытæ æвæрыны ног фæтк. Ныхас ма цыд фæндæгты арæзтадыл дæр, стӕй фæзуæттæ нывыл кæныны фарстатыл. Уæдæ ахсджиаг темæтæй иу у амброзиимæ тох кæнын дæр. Æмбырды ныхас цыд сæрмагонд программæ саразыныл, æмæ йæ сæххæст кæнынæн иннæ азы бюджеты фæрæзтæ сфидар кæныныл. 25-æм сессийы æмбырды ма ныхас цыд ацы азы бюджетмæ чысыл ивддзинæдтæ бахæссыныл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv