Ног ахуыры размæ Æрыдоны районы паддзахадон автоинспекцийы кусджытæ аразынц рейдтæ

Ног ахуыры размæ Æрыдоны районы паддзахадон автоинспекцийы кусджытæ аразынц рейдтæ. Баст сты сывæллæттимæ цы фæндагон фыдбылызтæ æрцæуынц, уыдоны нымæц фæкъаддæр кæнын, уыимæ ма иу хатт зæрдыл æрлæууын кæнын, фæндаггон змæлды уагæвæрдты тыххæй. Æрыдоны районы ахуыргæнæндæтты раз пъæлицæйæгтæ равæрдтой сывæллæтты егъау хуызистытæ. Ахæм хуызы шофыртæ хуыздæр бахъ уыды кæнынц, фистæгæйцæуджыты къахвæндæгты шофыртæ къæрцхъусдæдр кæй хъуамæ уой. Уымæй уæлдай ма сывæллæттæ шофыртæн лæвар кодтой сæрмагонд сыфтæ. Барадхъахъхъæнджытæ дзы сидынц, цæрджытæм цæмæй фæндæгтыл хæдтулгæйы тагъдад кæм æмбæлы уым къаддæр кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv