Кировы районы пъæлицæйæгтæ аныхас кодтой адæмимæ цæстфæлдахæн миты тыххæй

Барадхъахъхъæнджытæ сидынц адæммæ, цæмæй цæстфæлдахджыты фæлитой митыл ма разы кæной. Цæмæй мæнгард адæмы хызы мачи бахауа, уый тыххæй Кировы районы пъæлицæйæгтæ ныхас кодтой бынæттон цæрджытимæ. Пъæлицæйæгтæ фехъусын кодтой районы цæрджытæн, закъонхæлдтыты ныхмæ цавæр мадзæлттæ аразын хъæуы, уый. Фыццаджыдæр, къæрцхъусдæр уæвын. Хи куыд дарын хъæуы, уый адæмæн æмбарын кодта пъæлицæйы кусæг Биганаты Мурат. Фæстаг рæстæг сбирæ ис, чырæ телефоны фæрцы адæмы чи сайы, уыдон. Уæ телефонмæ цы СМС-хъусынгæнинаг æрбацæуа, уый, гæнæн ис, æмæ разына фæливæн ми. Уыцы фæтк а-фæстаг рæстæг сарæх ис. Арæхдæр адæмы сайынц, цавæрдæр зынаргъ лæвар рамбылдтат, зæгъгæ, хабарæй. Цæмæй уыл ахæм сайд ма рцæуа, уый тыххæй макæмæн дзурут уæ хи æмæ банчы бæрæггæнæнтæ, зæрдæхсаинаг хъусынгæнинæгтæн дæр дзуапп ма дæттут. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv