Сергей Меняйлойæн кусæг фембæлд уыд Хъырымы Паддзахадон Советы сæрдар Владимир Константиновимæ

Сергей Меняйлойæн кусæг фембæлд уыд Хъырымы Паддзахадон Советы сæрдар Владимир Константиновимæ. Ныхас цыд регионты 'хсæн æмгуыстады райрæзты гæнæнтыл закъонæвæрæн, экономикон æмæ ахуырады къабæзты. Республикæйы сæргълæууæг куыд фæбæрæг кодта, афтæмæй Хъырым æмæ Севастополь йæ царды уæлдай бынат ахсынц. Абон æрдæгсакъадах æнтыстджынæй баиу Уæрæсейы экономикæимæ, хорз æххæст кæны социалон хæстæ. Владимир Константинов куыд загъта, афтæмæй кæддæриддæр æххуыс кæндзæн дыууæ регионы царды уавæртæ фæхуыздæр кæнынимæ баст хъæппæристæн.