Æхсæнадон транспорты шофыртæн ма иу хатт сæ зæрдыл æрлæууын кодтой коронавирусы ныхмæ профилактикон

Æхсæнадон транспорты шофыртæн ма иу хатт сæ зæрдыл æрлæууын кодтой коронавирусы ныхмæ профилактикон мадзæлтты тыххæй. Иумæйаг рейд маршрутон такситы æрлæууæнты сарæзтой республикæйы транспорты министард æмæ Фæлхасгæнджытæм цæстдарды управленийы специалисттæ.  Ныр алы рейсы фæстæ дæр шофыртæ хъуамæ хæтдулгæ дезинфекци скæной сæрмагонд спъиртхæццæ буаргъæдтæй. Хæдтулгæты хицæуттæн сæ фылдæр рагагъоммæ баххæст кодтой æдасдзинады домæнтæ. Ахæм рейдтæ специалисттæ дарддæр дæр араздзысты. Уæрæсейы фæлхасгæнджытæм цæстдарды управленийæ сидынц республикæйы цæрджытæм, цæмæй коронавирусы ныхмæ профилактикон мадзæлттæм куыдфæндыйы цæстæй ма кæсой. Казбек Амбалов, советник отдела автомобильного транспорта министерства промышленности и транспорта РСО-Алания: «Сарæзтам профилактикон рейд. Аныхас кодтам шофыртимæ. Бамбарын сын кодтам коронавирусы ныхмæ профилактикæйы тыххæй. Æппæт домæнтæ æххæст кæнынц. Шофыртимæ кæрæдзийы бамбæрстам. Хъуыддаг æмбарынц. Мæнмæ гæсгæ рейд хорзы ’рдæм фæзындзæн æмæ фæпайда уыдзæн кæрæдзи бахъахъхъæнынæн». Таймураз Бизикоев, начальник территориального отдела госавтодорнадзора по РСО-Алания: «Райсомæй Фыццаг рейсы размæ шофырты æнæниздзинад бæрæг кæнæм. Иртасæм, æхснырсæджы миниуджытæ сæ искæмæ ис æви нæ, уый. Гыццыл дæр кæуыл фæгуырысхо вæййæм, уыдон куысмæ нал рацæуынц. Ахæм мадзал араздзыстæм алы райсом дæр. Æмгуыст кæндзыстæм республикæйы транспорты министрады кусджытимæ».    _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv