Йæ ном мысгæйæ

Профессор Комайты Риммæйы номыл наукон кæстытæ абон сарæзтой Цæгат Ирыстоны Паддзахадон Университеты. Йæ архайджытæ - Комайты Риммæйы æмкусджытæ, йæ ахуырдзаутæ, хæстæджытæ æмæ университеты студенттæ. Мадзалы райдыйан æрымысыдты зындгонд педагогы кадджын ном. Радзырдтой ахуырадмæ, стæй нæ республикæйы культурæмæ дæр, стыр æвæрæн кæй бахастай, уый тыххæй. Разныхасы фæстæ, æмбырды архайджытæ бакастысты сæ докладтæ. Сæ фылдæр уыдысты журналистикæйы æвзаджы темæтыл. Программæмæ гæсгæ, сарæзтой наукон куыстыты конкурс студентты хсæн. Хатдзæгтæ йын куы скæной, уæд хуыздæр куыстытæ наммыхуыр кæндзысты альманахы. Уæ зæрдыл уын æрлæууын кæндзыстæм, Комайты Риммæ уыди Уæрæсейы уæлдæр ахуыргæнæндæтты кадджын кусæг, Хетæгкаты Къостайы номыл паддзахадон премийы лауреат. Бирæ азты лæууыди ЦИПУ-йы ирон филологи æмæ журналистикæйы факультеты сæргъы. Уый фæстæ та журналистикæйы факультеты кафедрæйы разамонæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv