Æрыгон ахуыргæндтæн

Цæгат Кавказы Хæххон-Металлругон институты та арæзт æрцыд Дедегкаты Тазреты преми райсыны 10-æм наукон-иртасæн республикон конкурс. Дих уыдис æртæ номинацийыл: «Электроника», «Информатика» æмæ «Физикæ», зæгъгæ. Йæ нысан у студенттæн се сфæлдыстадон курдиат рабæрæг кæнын æмæ сæ наукон-иртасæн куыстмæ разæнгард кæнын. Ацы аз интеллектуалон конкурсы архайдтой 30 адæймаджы. Сæхи фæлвæрдтой алы номинацийы дæр. Фыццаг хатт ерыстæ сарæзтой электрон техникæйы факультеты бæстыхайы. Уæлахиздзауæн радтой æхцайы преми. Йæ бæрц цæсты ахады – 30 мин сомы. Преми райсыны конкурс у республикон. Аразджытæ куыд зæгъынц, афтæмæй хæстæгдæр рæстæг суыдзæн регионалон. Фыццаг хатт та йæ сарæзтой 2010-æм азы, Дедегкаты Алыксандры хъæппæрисæй. Конкурсы йæхи фæзминагæй чи равдыста, уыдон сбæрæг уыдзысты 19-æм апрелы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv