Стъалытæ кафынц

Ахсæв арвыл фенæн уыдзæн метеорты цыхцырæг Дракониды, зæгъгæ. Баст у, Зæххы къори Джакобини-Циннеры кометæйы къæдзилы фæдыл кæй ахиздзæн, уыимæ. 10-15 метеоры-иу сахатмæ ратæхдзысты уыцы-иу ранæй. Хуыйны радиант. Уыдзæнис Драконы стъалыты гуыппармæ `ввахс. Уый та ис арвæн йæ цæгат-ныгуылæн хайы. Бафтаудзыстæм ма уый, æмæ ацы метеорты цыхцырæг алы хатт иухуызон нæ вæййы. Кæцыдæр азты метеортæ бабирæ вæййынц, иннæ хæттыты та сæ бæрц зынгæ фæкъаддæр вæййы. Уæрæсейы хуссайраг регионты сæм кæсын хъæуы талынг ранæй, метеортæ хуыздæр зындзысты райсомырдæм. Уыдзысты, тагъд чи не змæлы, ахæм стъалыты халдих. Уый та уымæн, æмæ секундмæ арвы тыгъдады атæхынц æрмæстдæр 20 километры. Астрономион дæрддзæгтæм гæсгæ уый у хæрз чысыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv