Хъуыддаг бынатæй фенкъуыст

Раздæр куыд хъусын кодтам, афтæмæй биоэтанол уадзыны закъоны проект нæ регионы сфидар кодтой Паддзахадон Думæйы. Цæгат Ирыстонæн уый у ахсджиаг хабар. Республикæйы куыстуæттæн ног технологитæм гæсгæ афæдзмæ сæ бон уыдзæн 350 милуан литры уадзын. Ног закъонмæ гæсгæ, республикæйы бюджеты `фтиæгтыл бафтдзæн 2 миллиард сомы онг. Уый та фадат ратдзæн ахсджиаг социалон фарстатыл кусынæн. Проект ивддзинæдтæ бахаста федералон закъонмæ дæр. Бæлвырддæр та лицензи райсыны фæтк фендæрхуызон. Карз нозт уадзæн куыстуæттæн бар нæ уыдзæн сæ продукци биоэтанолимæ хæццæйæ уадзын, стæй этилæй спъирт та хойраджы хомагæй аразынæн. Ног закъоны проекты тыххæй йæ хъуыдытæ загъта нæ республикæйы сæргълæууæг Битарты Вячеслав дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv