Иван Ярыгины номыл турнир

Стыр æнтыстджынæй ацыд Уæрæсейы иугонд командæйæн æппæтдунеон турнир уæгъдибар хъæбысхæстæй «Иван Ярыгин-2018». Спортсментæ 10 сызгъæрин майданæй рамбылдтой 8. Иннæ дыууæ фыццаг бынаты бацахстой Америкæйы минæвæрттæ. Ацы егъау турнир фæцæуы æрвылаз Красноярскы. Йæ хатдзæгтæм гæсгæ уæлахизмæ бавæрæн бахастой ирыстойнаг богæлттæ дæр. Цымыдисаг финал рауад 74 кг онг уæзы. Кæронбæттæны фембæлдысты дыууæ ироны спортсмены: Цæболты Хетик æмæ Сидахъаты Зауырбег. Цæболы-фырт фæуæлахиз. Æдæппæтæй ирыстойнаг богæлттæ рамбылдтой 1 сызгъæрин, 2 æвзист æмæ 6 бронзæ майданы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv