Дзæуджыхъæуы сцалцæг кодтой цыртдзæвæнтæ æмæ барельефтæ

Дзæуджыхъæуы кæронмæ сæххæст кодтой фыццаг ирон рухстауджытæй иу Колыты Аксойы цыртдзæвæны цалцæггæнæн куыстытæ. Бынæттон администрацийы куыд фехъусын кодтой, афтæмæй ноггонд æрцыд æппæт комплекс. Уырдæм хауынц йæ аркæ, плиткæ. Банывыл кодтой йæ алыварс цы бæстыхай ис, уый дæр. Аивгонд æрцыд Сергей Кировы цыртдзæвæн дæр. Баивтой йын йæ бындур æмæ йе 'ддаг цъар сæрмагонд дурæй. Цалцæг баййæфта Ватутины номыл уынджы Ленины бюсты бындуры кЬӕй дæр. Доны аххосæй афаз æмæ пырх кæнын райдыдта, нæ горæты зындгон адæмæн цы барельеф æвæрд æрцыд, уый. Уымæ дæр базылдысты. Афтæмæй ныридæгæн йæ бынат ссардта Намысы Мемориалы. Фидæны йæ фæнд кæнынц нырыккон мадзæлтты фӕрцы бындуронæй сног кæнын. Фæнысан кæндзыстæм уый, ӕмӕ 4 объекты бындурон цалцæг æмæ реконструкцийæн горæты бюджетæй рахай кодтой 2 млн сомæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv