Нæхи бæрæгбон!

Абон телеуынынады кусджытæ бæрæг кæнынц сæ профессионалон бон. Снысан æй кодтой 1996-æм азы, Нациты Иугонд Организацийы минæвæрттæ. Ацы бæрæгбоныл æрвылаз телеуынынады дæснытæ сæмбæлынц сæ куысты. Цæгат Ирыстоны реагистрацигонд сты 9 телеканалы. Къабазы кусы 500 адæймагæй фылдæр. Нæ республикæйы тæккæ рагондæр у Паддзахадон Телерадиокомпани «Алани», кусын райдыдта 1961 азы. Мах телеканал та нырма, зæгъæн ис, æмæ ноггуырд у. Афæдз ныл рацæудзæн 1-æм декабры. Кусæм 24 сахаты къуырийы 7 боны. Нæхæдæг цы программæтæ исæм, уыдонæн уал сæ нымæц схæццæ кодтам 70 процентмæ. Архайæм, цæмæй нæ алы равдыст дæр сымахæн уа цымыдисаг. Алы бон дæр нæ амонджытæ, уацхæсджытæ æмæ продюсертæ кусынц, цæмæй сымах зонат Цæгат Ирыстоны фæстаг хабæртты тыххæй. Специалистты ныхæстæм гæсгæ, кæд ныртæккæ информацион технологитæ иу иннæйы фæдыл рæзынц, уæддæр телеуынынад у дзыллон информацион фæрæзты раззагдæртæй иу. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv