«Волга» йæхи бахаста трамвайы фарсмæ.

Фæндаггон змæлды фæткы домæнтæ æнæмæнг æххæст кæнын кæй хъæуы, уый дызæрдыггаг нæу. Куыд фæндыйы цæстæй уыцы хъуыддагмæ куы кæсай, уæд арæх фылбылызтæм дæр расайы. Дзæуджыхъæуы дæр та афтæ рауад. Хорз æмæ дзы царæфтыд ничи фæци.  Нæ егъау экраныл цы хуызистытæ уынут, уыдонмæ гæсгæ рог хæдтулгæ «Волга» йæхи бахаста трамвайы фарсмæ. Рабæрæг, хæдтулгæйы хицау йæхи хабæртты фæдыл кæй ацыд, йæ цæуæнгарз къуыппыл ныууадзгæйæ. «Волга» æвæгæсæгæй къуыбырæй ратылд æмæ трамвайыл йæхи скъуырдта. Вагон цыдис депомæ цалцæджы тыххæй æмæ ма йыл рог хæдтулгæйы цæф æрцæудзæн, уый æнхъæл ничи уыд. Транспорты дыууæ иуæджы дæр бæрзæйсаст кæд нæ фесты, уæддæр се `фсæн фæрсты хъæдгæмттæ ныр бæрæг дарынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv