Сиддонтæн хъусынгæнинаг

Æфсадмæ сидыны домæнтæ Уæрæсейы, гæнæн ис, æмæ фæкарздæр кæной. Уый тыххæй хъусын кæны «Известия». Закъонмæ ивддзинæдтæ бахæссыны фæнд кæны Уæрæсейы хъахъхъæнынадон министрад. Ныхас цæуы медицинон иртæстытыл. Дызæрдыг кæуыл кæной, уыцы сиддонты æрвитдзысты медицинон æркаст дыккаг хатт ацæуынмæ. Закъон тох кæндзæн, гæртам райсынмæ гæппæй чи лæууы, ахæм дохтырты ныхмæ. Гæрхзифтонг тыхтæм чи куыд цæттæ у, уымæ ныр æфсæддон комиссариатты кæсдзысты лæмбынæгдæр. Фæлæ уыцы-иу рæстæг, фидæны æфсæддон хæсæй бирæтæ хъуамæ суæгъд уой. Ома, æфсады службæ кæндзысты æрмæстдæр контрактон бындурыл. Ууыл дзырдта Уæрæсейы Президент Владимир Путин дæр. Фæнысан ма кæндзыстæм уый, æмæ æфсадмæ сидыны уалдзыгон кампани райдыдта 1-æм апрелы, фæуыдзæн 15-æм июлы. Æгас бæстæйæ гæрзифтонг рæнхъыты хъуамæ æрлæууа 135 мин салдатмæ ввахс. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv