Æнæмæнг хъæугæ хойрæгтæ æмæ базайрæгтимæ фарстатыл ныртæккæй уавæрты ныхас кодтой оперативон æмбырды

Æнæмæнг хъæугæ хойрæгтæ æмæ базайрæгтимæ баст фарстатыл ныртæккæйы уавæрты ныхас кодтой оперативон штабы æмбырды. Разамынд ын лæвæрдта Сергей Меняйло. Республикæйы экономикон райрæзты министр Кучиты Зауыр куыд фехъусын кодта, афтæмæй ведомство æппынæдзух мониторинг кæны базайрæгты бæрц æмæ сӕ ӕргътӕ. Ныртæккæ республикæйы цæрджытæ æнæмæнг хъæугæ хойрæгтæй цух не 'ййафынц. Республикæйы сæргълæууæг куыд фæнысан кодта, афтæмæй, æргътæ куы фæбæрзонддæр уой, уæд, æнæмæнг, сбæрæг кæнын хъæудзæн, цæмæ фæзынаргъдæр сты, уый. Уыимæ ма бадомдта дзул æмæ ӕрвылбонхъæугæ продуктты аргъыл ма 'фтауын. Раздæр Сергей Меняйло Ростовы облæсты губернаторимæ æрдзырдта ссад æмæ æндæр хойрæгтæ иумæ уадзыны хъуыддагыл.  Республикæйы экономикон рæзты министрæн бабар кодта æмгуыстадыл бацархайын. Кучиты Зауыры ныхæстæм гæсгæ, регионы куыстуæттæй 44 райсдзысты паддзахадон æххуыс. Æмбырды ма ныхас кодтой Цæгат Ирыстоны амалхъом адæмæн хаццоны аргъ фæасламдæр кæнын æмæ агропромышленон къабазмæ фæкæсыныл. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv