Цæгат Ирыстоны электрон тых адавтой

Цæгат Ирыстоны цы электрон тых адавтой, уымæй 10 мæйы рухсгæнæн уыдаид республикон сывæллæтты клиникон рынчындон. «Цæгаткавказэнерго»-йы кусджытæ рейдты рæстæг афæдзы райдианæй рабæрæг кодтой, 150 хатты адæм электрон тыхæй æнæзакъонæй кæй пайда кодтой, ахæм цаутæ. Закъонхалджытæ сты куыд хицæн адæймæгтæ афтæ юридикон куыстуæттæ дæр. Энергетиктæ дæвдтыты тыххæй байгом кодтой 97 акты. Æппæты фылдæр электрон тых давынц Дзæуджыхъæуы. Закъонхалджытæй кæмæн йæ пломбæ æппæрст уыд, кæмæн электрон тыхы нымайæн нæ куыста, чи дæр та уæлæмхасæн телтæй спайда кодта. Закъонхалджытæн сæ фылдæр хай пайда кодтой, нымайæн прибор кæй нæ бæрæг кæны, ахæм уæлæмхасæн телтæй. Специалисттæ раиртæстой 53 ахæм уагхæлды. Æнæ бадзырдтæй барадхалджытæ æнæзакъонæй схардз кодтой 460 киловат сахаты электрон тых. Уый та æхцайы фæрæзтæй у иу милуан 692 мин сомы. Æдæппæтæй та æнæзакъонæй электрон тыхæй спайда кодтой 3 милуан соммæ ввахс. «ЦæгатКавказэнерго»-йы кусджытæ ма адæмы зæрдыл иу хатт лæууын кæнынц, æнæзакъонæй электрон тыхæй чи пайда кæны, уыдоны ныхмæ дарддæр дæр административон хъуыддæгтæ кæй гом кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv