Хуыздæрты хсæн

Республикæйы курдиатджын фæсивæдæн æмбæлгæ уавæртæ саразынæн бирæ куыст цæуы. Алыхуызон конкурсты æмæ ерысты рабæрæг вæййынц хуыздæртæ æмæ сын кæнынц æххуыс. Æрæджы та ма фæзынд тынг ахадгæ мадзал –  шахмæттæй уроктæ. Чысыл сабитæ дзы цымыдисæй ахуыр кæнынц. Сæ фыццаг къахдзæфтæ уÆндон сты. Скъоладзауты уырны, ацы спорты хуызæн рæсугъд фидæн кæй ис, уый. Тренертæ дæр сæ зонындзинæдтæ нæ хæлæг кæнынц. Бæлвырддæр хабæрттæ зонынц не сфæлдыстадон къорды уæнгтæ. Профессионалон дæсныйадмæ гæсгæ Игорь Хрипков физикæйы ахуыргæнæг у. Фæлæ 20 азæй фылдæр сывæллæтты ахуыр кæны шахмæттæй хъазын. Куыд зæгъы, афтæмæй шахмæттæ хуыздæрырдæм фæзыны сывæллоны рæзтыл. Игорь Хрипков, шахмæтты ахуыргæнæг: «6-æм дунеон чемпион Ботвинник дзырдта, сывæллоны ахуыр ацæуы 10 азы онг. Цас раздæр райдайынц шахмæттæй хъазын, уый бæрц сæ царды фылдæр уæлахизтæ бафтдзæн». Скъолайы шахмæты уроктæ саразыны тыххæй дзырдтой радæр. 2016 азы сентябры та ахуырад æмæ наукæйы министрад царды бауагътой ног проект «Шахмæтты ахуырад райдиан скъолаты». Мария Соболь, уæлæмхасæн ахуырады æмæ хъомылады рæзты хайады хицау: «Проекты архайдтой 13 скъолайы. Турнир алы аз аразæм. Лæвæрттæ сын скæны газет «Чемпион Ир»-ы. Ацы мæйы райдайæны арæзт æрцыд республикон турнир шахмæттæй «Белая ладья». Хуыздæр архайджытæ Æппæтуæрæсеон финалы хъахъхъæндзысты нæ республикæйы кад». Ахуырадон программæйы ныридæгæн фыст æрцыдысты шахмæтты уроктæ. Сывæллæтты ахуыр кæндзысты 1-æм къласæй фæстæмæ. Уымæн та бирæ дæр нæ хъæуы – хъазæн фæйнæг æмæ шахмæтты фигурæтæ. Хæдзармæ куыст дæр дзы вæййы, сфыссын дæр никæй бон бауыдзæн. Фыццагкъласонтæм шахмæттæ цымыдисаг кæсынц. Ахуыр кæнынц теори æмæ дзы практикæйы спайда кæнынц. Æрæджы шахматисттæн сæ клубы бæстыхай фæстæмæ радтой, фæлæ дзы хъæуы цалцæггæнæн куыстытæ. Уый хыгъд та шахматистты бæрæггæнæнтæ хуыздæрæй-хуыздæр кæнынц. Зæгъæм, Цæгат Кавказы федералон зылды чемпионаты не мзæххонтæй 3-йæ систы чемпионтæ, 10-æй та призертæ. Дарддæр ноджы фылдæр бæрзæндтæ уыдзæн, зæгъынц клубы ахуыргæнджытæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv