Радон балц

Цæгат Ирыстоны хицауады сæрдар Тускъаты Таймураз æркаст республикæйы социалон бæстыхæйтты арæзтадмæ. Бабæрæг кодта Дзæуджыхъæуы тарниз дзæбæхгæнæн диспансЕр, стæй Заманхъулы ног спортивон фæз. Уый дæр хауы социалон нысаниуæг кæмæн ис, ахæм объекттæм. Хицауады сæрдар федта иннæ хъæуты арæзтадон куыстытæ куыд æххæстгонд цæуынц, уый дæр. Тарниз дзæбæхгæнæн диспансеры 11 корпусæй 4-ы - арæзтадон куыстытæ кæронмæ фæхæццæ кæнынц. Тагъд рæстæджы йæ хъæугæ кусæнгæрзтæй ифтог кæнын райдайдзысты. Профилон хайæдтæм баласдзысты ног медицинон кусæнгæрзтæ æмæ æндæр хъæугæ дзаумæттæ. Тускъаты Таймураз Терчы былгæрон физкультурон комлексы арæзтадон куыстытæм дæр йæ цæст æрдардта. Комлекс арæзт угом арвы бын. Сифтонг æй кодтой спортивон кусæнгæрзтæй. Ныр та хъуамæ арæзтадон хауæццæгтæ бафснайой æмæ ма дзы цы лыстæг куыстытæ баззад, уыдон баххæст кæной. Комплекс ног къуыри срæвдз уыдзæн. Дарддæр та, Тускъаты Таймураз пъланмæ гæсгæ бабæрæг кодта Весеннийы уынджы цы ног скъола аразынц, уый. Бæстыхайы фæзуат уыдзæн 4 мин квадаратон метрæй фылдæр. Уымæй уæлдай ма, йæ уæлæмхасæн фæзуат уыдзæн 7 гектары. Хицауады сæрдар ма федта районты ахуырадон уагдæтты арæзтадон куыстытæ куыд цæуынц, уый. Заманкъулы ног хъазæн фæз байгом кодтой.Бынæттон цæрджытæн Тускъаты Таймураз арфæйы ныхæстæ ракодта. Дарддæр хицауады сæрдар абалц кодта Беслæнмæ. Уым æркаст ног бирæуæладзыгон хæдзæртты арæзтадмæ. Нæ республикæ фыццаг аз нæ архайы адæмы кæлæддзаг хæдзæрттæй ногтæм раивыны програмæйы. Йæ руаджы 5 мин адæймагæй фылдæрæн фæзынд фадат ног хæдзæрттæм рацæуын. Хицауады сæрдар йæ фæндаг акодта Цыколайы культурæйы галуанмæ дæр. Ныридæгæн фæвæййынц зал æмæ сценæ аразын. Куыстытæ кæронмæ куы æрхæццæ уой, уæд дзы сфæлдыстадон къордтæ архайын райдайдзысты. Йæ радон балцы кæронбæттæны хицауады сæрдар бабæрæг кодта Дигорайы ног спортивон комплекс. Ацы спортивон комплексмæ бынæттон цæрджытæ бирæ рæстæг æнхъæлмæ кастысты. Премьер куыд фæбæрæг кодта, афтæмæй комплексæй баззад разыйæ. Хуасдзауты Алина _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv