Хъæдæрмæджы куыст кæнæн цехæй адавдтой кусæнгæрзтæ

Дзæуджыхъæуы та хъæдæрмæджы куыстгæнæн цехæй адавдтой кусæнгæрзтæ. Уый тыххæй пъæлицæйы кусджытæм фæхабар кодта 67 аздзыд нæлгоймаг. Пъæлицæйæгтæ араст бынатмæ. Куыд сбæрæг кодтой, афтæмæй фыдгæнджытæ куыстуатæй мулк рахастой 28 мин сомæн. Давæг разынд 29 аздзыд нæлгоймаг. Фæхæццæ йæ кодтой пъæлицæйы хайадмæ. Фыдгæнæг йæ аххосыл басаст. Куыд радзырдта афтæмæй цы мулк рахаста куыстуатæй уый ауæй кодта. Æхцатæ бахардз кодта хи пайдайæн. Закъонхалæджы ныхмæ байгом кодтой уголовон хъуыддаг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv