Дзæуджыхъæуы коммуналон хъæбæр хауæтдзæгты полигоны экологон æгъдаумæ гæсгæ бакусдзысты

Дзæуджыхъæуы коммуналон хъæбæр хауæтдзæгты полигоны экологон æгъдаумæ гæсгæ бакусдзысты. Проектон-сметон гæххæтытæ цæттæ сты. Ныртæккæ цæуы паддзахадон экологон экспертизæ. Уый тыххæй республикæйы сæргълæууæг Битарты Вячеслав дзырдта экологи æмæ æрдзон æвæрæнты министр Мамиаты Чермены кусгæ фембæлды рæстæг. Профилон министр куыд фехъусын кодта, афтæмæй объект бахастой «Чистая страна», зæгъгæ, федералон проектмæ. Уый ис национ проект «Экология», зæгъгæ, йы дæлбар. Куыстытæ райдайдзысты фидæны аз. Пъланмæ гæсгæ сног кæндзысты 5 бырондоны. куыстытæ баххæст кæндзысты 2022 азмæ. Республикæйы сæргълæууæг куыд бафиппайдта, афтæмæй экологийы баст фарстатæ сты ахсджиаг. Уыимæ ма хъуыддæгтæ аиуварс кæнын хъæуы ног системæмæ гæсгæ, цæмæй национ проекты бæрæггæнæнтæ баххæст кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv