Республикæйы промышленнон куыстуæттæн рахай кодтой 180 млн сомы

180 млн сомы рахай кæндзысты промышленностæн æххуысæн. Цы куыстуæттæ йæ райсдзысты, уыдоны 'хсæн - технологон центр «Баспик». Космосон æмæ ядерон промышленностæн, стæй хъахъхъæнынады комплексæн куыстуат цы хæйттæ уадзы, уыдонæн нæ бæстæйы æмбал нæй. Æгас дунейы ахæм центртæ сты æрмæст фондз æмæ сын æххуыс кæнын ахсджиаг у. Афтæ рæзы наукæ æмæ импорт дæр бынæттон продукцийæ ивы. 2022-æм азæй Промышленносты райрæзты фонды руаджы Цæгат Ирыстоны куыстуæттæ райстой субсидитæ 500 млн сомы бæрцæн. Фæрæзтæй ис ног ифтонггæрзтæ балхæнæн, уæлæмхасæн куысты бынæттæ снысан кæнæн, кондад фæуæрæхдæр кæнæн. Ныридæгæн æххуысы фæрæзæй спайда кодтой 10 проектæй фылдæр æххæстгæнгæйæ.