Сæрд йæ тæмæны бацыд. Кæд хистæркъласонтæ нырма æнæмæтæй тезгъо кæнынц, уæд фидæны фыццагкъласонтæн та ахсджиаг рæстæг у. Республикæйы скъолаты цæуы исæн кампани. Æххæст æй кæнынц дыууæ къæпхæнæй. Курдиат бадæттæн ис паддзахадон лæггæдты порталы уылты дæр. Æрмæст Дзæуджыхъæуы скъолатæм райсдзысты 4 минмæ 'ввахс сабийы. Æдæппæтæй та Цæгат Ирыстоны фыццæгæм къласмæ бацæудзысты 10 минмæ 'ввахс сывæллоны. Суанг райсомæй ныййарджытæ цæуын райдайынц 42-æм скъоламæ. Исæн къамисы кабинетмæ сæ курдиатимæ бонмæ æппынкъаддæр фæсиды 10 адæймаджы. Семæ æрбаххæсынц æнæмæнг хъæугæ гæххæттытæ. Быгъуылты Зæлинæ фыццæгæм къласмæ дæтты йæ кæстæр фырты. Куыд нын радзырдта, афтæмæй йæ дыууæ хистæр лæппуйы дæр зонындзинæдтæм цӕуынц ацы скъоламӕ. Курдиат балæвæрдта паддзахадон лæггæдты порталы уылты. Фыццæгæм къласмæ гæххæттытæ исæн кампани цæуы дыууæ къæпхæнæй. Дыккаг райдыдта 6-æм июлы. Скъола ныридæгæн райста 100 курдиатæй фылдæр. Къамисы уæнгты ныхæстæм гæсгæ, сæм уæгъд бынæттæ бирæ нал ис. Фыццæгæм къæпхæны фыццаджыдæр райстой льготæты категоримæ чи хауы, уыцы сывæллæтты. Æдæппæтæй уæгъд бынæтты бæрц у 500-мæ 'ввахс, уый æрмæст Дзæуджыхъæуы. Фыццæгæм кълæстæм исынц горæты скъолатæн сæ фылдæр хай. Сентябры фыццæгæм къласмæ бацæудзысты 4 мин сывæллонмæ хæстæг. Дзæуджыхъæуы ныридæгæн балæвæрдтой 3 мин курдиатæй фылдæр. Æмткæй райсгæйæ, республикæйы ног ахуыры аз скъолатæм фыццаг хатт бакъахдзæф кæндзысты 10 мин сывæллоны.