Спортивон къорд æнæниз цардыуаг парахат кæнынц

Иутæ кæд тренажерты залтæм цæуынц, уæд ацы адæм та æрдзы фадæттæй пайда кæнынц. Сапицкийы хъæдмæ алы райсом æрбацæуынц алы кары адæмæй конд спортивон къорды уæнгтæ æмæ тезгъо фæкæнынц. Ахæм царды фæтк сæм тынг ахсджиаг кæсы. Семæ ис, йе `нæниздзинад сæ хæрзтæй кæмæн нæу, ахæм чызг - Козаты Кристинæ дæр. Афтæ рауад æмæ сæ радон балц баиу йæ гуырæнбонимæ. Спортмæ сæ разæнгард чи кæны, уыцы чызгæн арфæйы ныхæстæ ракæнынмæ æрбацыдысты йæ хиуæттæ æмæ зонгæтæ. Спортивон къорды канд æнæниздзинад нæ фидар кæнынц, фæлæ ма хорз хæлæртты дæр ссарынц. Æнæниз цардыуаг парахат кæнын канд нырыккон дуджы домæн нæу - зæгъынц йæ архайджытæ. Спортивон цæттæдзинад хъæуы алы адæймаджы æмæ алы кары дæр. Сæйрагдæр ацы хъуыддаджы у æнæниздзинадæн зиан ма æрхæссын. Козаты Кристинæимæ чи кусы, уыдоны ныхæстæм гæсгæ æрыгон чызг у фидар уды хицау, ис æм размæ тырнындзинад. Фæнды йæ, хистæртæ дзы сæрбæрзонд куыд уой, уый. Уæвгæ та, къорды канд спортмæ æмхиц нæ, фæлæ ма кæрæдзиуыл дæр æнувыд сты. Æдæппæтæй къорды ис 40 адæймагæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv