Транспортон лæггæнинаг фарстатыл æрныхас кодтой

Цæгат Кавказы министрадты æмæ паддзахадон куыстуæтты разамонджыты æмбырд уыди нæ республикæйы хицауады хæдзары. Ныхас дзы кодтой транспорты лыггæнинаг фарстатыл. Бæрнон адæймæгтæ æрдзырдтой, алы регионы дæр уавæр куыд у, ууыл, стæй сæ иумæйаг куысты гæнæнтыл. Æмбырдуæвджытæ се `ргом тынгдæр аздæтой, бæллцæтты ласыны бар кæмæ æрхаудзæн, уыцы куыстуæттæ сбæрæг кæныны конкурсмæ. Нæ республикæйы хицауады сæрдары хæдивæг Фадзайты Æхсарбег дзы куыд радзырдта, афтæмæй, æппæтæй ахсджиагдæр у, бæлццæтты ласыны хъуыддаг хорз æмвæзадыл сæвæрын. Фыццагдæр уымæ хауынц æдасдзинады фарста, стæй транспорт æнæцухæй куыд цæуа, уый. Уымæй уæлдай ма æмбырды дзырдтой æхсæнадон транспортыл цæуыны æргътыл, æмæ алы республикæйы дæр транспорты ныхстуат саразыныл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv