Æнæ стъалыйæ хъæбатыр

Советон Цæдисы хъæбатыр Темыраты Николайæн Дигорайы байгом кодтой мемориалон фæйнæг. Кадджын мадзалмæ æрбацыдысты хъæбатыры хиуæттæ, къабæзтæ, æмбæлттæ æмæ зонгæтæ. Радзырдтой Николайы сгуыхтдзинæдты, йæ цардвæндаг æмæ бинонты тыххæй. Семæ æрбахастой дидинджытæ. Дигорайы 10 мин цæрæджы ис, уыдонæй 6 адæймаджы систы Советон Цæдисы хъæбатыртæ. Сæ цыртдзæвæнтæ сын сæвæрдтой Дигорайы æмæ Дзæуджыхъæуы Намысы аллеяты. Сæ нæмттæ хæссынц нæ республикæйы уынгтæ æмæ скъолатæ. «Уæвгæ нæм 6 нæ, фæлæ 7 хъæбатыры ис» - афтæ зæгъынц Дигорайы цæрджытæ. 7-æм уыд Темыраты Николай. Цæмæдæр гæсгæ йын Советон Цæдисы хъæбатыры стъалы нæ радтой. Фыдыбæстæйы Стыр хæсты цы сгуыхтдзинадтæ равдыста, уый тыххæй 2 хатты хорзæхджынгонд æрцыд «Сырх тырыса»-йы орденæй, Германыл фæуæлахизы тыххæй æмæ æндæр майдантæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv