Театры аз

2019 аз снысан кодтой - Театры аз. Уый ууыл дзурæг у æмæ ацы аз нæ бæстæйы æмæ нæ республикæйы уыдзæн бирæ егъау театралон фестивальтæ. Зындгонд труппæтæ гастрольты цæудзысты регионтæм. Иумæйаг театралон сфæлдыстад ног хуызтæй хъазын райдайдзæн. Æнæуый та, сæйраг хæс у ахæм - Дарддæр театралон аивады рæзтыл кусын. Ахæм уынаффæ бафыста Уæрæсейы президент Владимир Путин. Фæлæ ныр худæг: Уыцы хъуыды Уæрæсейы Хицауады сæрдар Дмитрий Медведевы зæрдæмæ нæ фæцыд. Федерацийы советы æмбырды загъта: «Паддзахадон театртæ бæстæйы æгæр бирæ ис. Æмæ сæ цауддæр цы къордтæ сты, уыдоны иумæ куы баиукæниккам, уæд хорз уаид», зæгъгæ. Уæрæсейы театрты цæдисы сæрдар Александр Калягин уый куы фехъуыста, уæд сабухта. Æмæ дзæгъæлы нæ. Федерацийы Советы сæрдармæ йæ ныхас фæхæццæ кодта. Ома дам Дмитрий Медведевы ныхæстæм гæсгæ, бынæттон хицауад театрты райрæзтмæ хъус куы нал дарой. Æннæуи дæр дам, бынтон разы не стæм се `ркастæй... Гъер, нæ республикæйы хъуыддаг афтæ раивдзæн, уымæн гæнæн нæй. Нæдæр сæ иу кæндзысты, нæдæр сæм сæрмагонд цæстдард кæй нал уыдзæн, уый тыххæй ничи дзуры. Театрæн стыр аргъ чи кæны æмæ йæ дыккаг хæдзарыл æй чи нымайы, уыдон та дзурынц мæнæ афтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv