Юпитеры мигътæ разындысты

Æмæ ма нæ кæронбæттæн информаци. Растдæриддæр уæлæрвтæй. Америкæйы Национ космосон агентад апарахат кодта, йæ къухы планетæ Юпитерæй цы диссаджы къамтæ бафтыд, уыдон. Систа сæ автоматикон космосон аппарат Юнона. Къамты адæм федтой Хуры системæйы тæккæ егъаудæр планетæйы мигътæ. Сты алæмæты рæсугъд. Уыдон зилдух кæнынц Юпитеры хæдсæрмæ. Космосон аппарат сын сæ хуызистытæ скодта 13 æмæ `рдæг мин километры бæрзæндæй планетæйы цæгатаг фарсы. Ахуыргæндтæ сыл бакуыстой сæрмагонд компьютерон программæты фæрцы, цæмæй мигъты æвæджиауы рæсугъддзинад зына ноджы ирддæрæй. Афтæмæй Юпитер йæ ирд дарæстæ равдыста. Фæнысан ма кæндзыстæм уый, æмæ аппарат планетæмæ арвыстой 2011-æм азы. 5 азы фæстæ йын бантыст планетæйыл æрбадын. Йæ хæс уыд Юпитерыл доны фæдтæ ссарын æмæ, уæларвон объект цæмæй конд у, уый хуыздæр базонын. Ахуыргæндтæ космосон аппараты балц саразыныл бахардз кодтой иу миллиард доллæры. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv