Медицинон кусæнгæрзты æнцондæр регистрацийы фæтк бæстæйы хицауад адæргъвæтин кодта 2025-æм азмæ

Медицинон кусæнгæрзты æнцондæр регистрацийы фæтк бæстæйы хицауад адæргъвæтин кодта 2025-æм азмæ. Уый тыххæй сæрмагонд бардзырд бафыста Михаил Мишустин. Æнцондæргонд процедурæйы руаджы медицинон кусæнгæрзтæ æрбаласыны æмæ сæ пайда кæнынмæ цæттæдзинады сæрмагонд гæххæттытæ тагъддæр срæвдз вæййынц. Ахæм фæтк нысангонд æрцыд коронавирусы тыххæй. Хъуамæ æххæстгонд цыдаид 2022-æм азы 1-æм январмæ. Ныр ма йæм бафтыдтой ноджы 3 азы. 2025-æм азы 1-æм январмæ ма пайда кæнæн ис рæстæгмæ регистрацийы сыфтæй дæр. Афтæмæй, бæстæйы дзæбæхгæнæндтæ нæ фæцух уыдзысты тест-системæтæ, хи хъахъхъæнæн фæрæзтæ æмæ рæуджыты аппараттæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv