Ахсджиаг фарстатæ

3 милуан сомæй фылдæр уæлæмхасæн фæрæзтæ радих кæндзысты Цæгат Ирыстонæн. Бюджеты ивддзинæдты тыххæй дзырдтой Парламенты Советы радон æмбырды. Уымæй уæлдай ма æркастысты ног федералон æмæ республикон закъонæвæрдтæм. Ныхас кодтой бирæсывæллонджын бинонтæн куыд баххуыс кæной, фæндæгтыл цæуыны æдасдзинады фарстатыл æмæ ма æндæр хъуыддæгтыл. Депутаттæ ма лæмбынæг æркастысты Уæрæсейы Конституцимæ цы ногдзинæдтæ бахæсдзысты, уымæ. Ныр барадхъахъхъæнæн оргæнты бæрнон кусджытæн бар уыдзæн протоклотæ аразынæн. Разыйæ баззадысты тамакойы алы хуызтæ чи уæй кæны, уыдоны ныхмæ санкцитæй дæр. Профилон комитеты сæрдар Баликъоты Валерий радзырдта паддзахадон исбонады приватизаци кæнын закъонмæ цы ивддзинæдтæ бахæссын хъæуы, ууыл. Юридикон æгъдауæй оффшорты фидаргонд чи у, уыдонæн бар нал уыдзæн исбонадæй пайда кæнын. Цæрæнуæтты коммуналон хæдзарады закъонтыл æрдзырдта Бокоты Эльбрус. Ныртæккæ уазал æмæ хъарм донæн, электрон тыхæн фидынц нормативтæм гæсгæ. Нырæй фæстæмæ та нымайæн прибор цас банымадта, уый бæрц.Ног закъон конд у фиддонты æргомдзинадæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv