Алайнаг сызгъринты равдыст

Цæгат Ирыстоны аивадуарзджытæн фадат ис рагон историимæ базонгæ кæнын. Ног азы фыццаг бонты Национ музейы уыдзæн Алайнаг сызгъæринты равдыст. Музей ныртæккæ федералон программæмæ гæсгæ рацараздзысты. Куыстыты фыццаг хай фæуыдзæн 31 декабрмæ. Цæгат Ирыстоны культурæйы министы хæдивæг Дудайты Чермены ныхæстæм гæсгæ ныртæккæ райдыдтой экспозици æвæрын. Æртыккæгæм январæй фæстæмæ алкæй бон дæр уыдзæн равдыстмæ бакæсын. Студенттæн æмæ ахуырдзаутæн та музейы кусджытæ бацæттæ кодтой сæрмагонд программæ. Алайнаг сызгъæринты равдыст цæудзæн 3-æмæй 9-æм январмæ. Музейы æххæстгонд æрцыдысты æдасдзинады мадзæлттæ дæр: скодтой дзы зынгсирвæзтыты ныхмæ сигнализаци, сæвæрдтой цæстдарæн камерæтæ æмæ æндæр хъæугæ техникæ. Национ музеймæ цæстдарæг Тæбæхсæуты Людмилæйы хъусынгæнинагмæ гæсгæ артефакттæ сты алы æнусты конд, се хсæн ис хæцæнгæрзтæ æмæ зæрингуырдты куыстытæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv