Фæсивæды галуаны уыд национ культурæйы фестиваль «Ирон бæрæгбон»

Фæсивæды галуаны уыд национ культурæйы фестиваль «Ирон бæрæгбон». Сси æрвылазон. Йæ фæлгæты лæппутæ сæ арæхстдзинад æвдыстой нæртон хъæзтыты. Уæхскæй къуырынæй, дур æппарынæй, сарæзтой бæндæнæй хъазт. Уымæй уæлдай ма ерыс кодтой уæхскыл бадгæйæ хъæбысæй хæцыны. 9-11 кълæсты лæппутæ нæ республикæйы алы районтæй сæхи бафæлвæрдтой хъилæй хъазты дæр. Тынг цымыдисæй архайынц, нæ рагфыдæлтæм цы спорты хуызтæ уыд, уыдоны. Архайджыты дæсныйадæн аргъ кодтой бæрнон жюрийы уæнгтæ. Куыд фæбæрæг кодтой, афтæмæй тыхджындæрты равзарын æнцон нæ уыд. Æппæт дæр сæхи æнтыстджынæй равдыстой. Мадзал саразыны хъæппæрис разынд нæ республикæйы фæсивæды хъуыддæгты фæдыл комитет æмæ фæсивæды æфсæддон-патриотон центрмæ. Сбастой йæ Джеоргуыбайы бæрæгбонимæ. Йæ сæйраг хæс у рæзгæ фæлтæры æнæниз цардыуагыл фæцалх кæнын, стæй нæ рагфыдæлты традицитæ дарддæр хæссын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv