9-æм къласы ахуырдзаутæ æнтыстджынæй сæххæст кодтой кæронбæттæн ныхасы хæслæвæрдтæ уырыссаг æвзагæй

9-æм къласы ахуырдзаутæ æнтыстджынæй сæххæст кодтой кæронбæттæн ныхасы хæслæвæрдтæ уырыссаг æвзагæй. Хорз бæрæрггæнæн райстой 7 мин адæймагæй фылдæр. 149 рауагъдоны ныхасы фæрстытæн æмбæлгæ дзуæппытæ нæ радтой, 121 та фæлварæны уæвгæ дæр нæ бацархайдтой. Кæронбæттæн ныхас ацæуыны фадат ма сын разындзæн уæлæмхасæн бонты – 11-æм мартъийы æмæ 18-æм майы. Хорз бæрæггæнæн цæмæй банымайой скъоладзауæн, уый тыххæй йæ хъæуы æппынкъаддæр 10 баллы райсын. Фæлварæн арæзт уыд 4 хайæ: фыццаг лæвæрд текст хъæрæй бакæсын, стæй йæ хи ныхæстæй радзурын, монологы хуызы æмæ ма нысангонд темæйыл ахуыргæнæнæгимæ æнныхас кæнын. Хæслæвæрдтæн - 15 минуты рæстæг. Кæронбæттæн ныхасы ацы аз фыццаг хатт бацархайдтой æхсæнадон цæстдарджытæ, уыдон уыдысты Уæрæсейы фæсивæдон цæдисы минæвæрттæ. Ныхас у паддзахадон сæйраг фæлварæны фыццаг къæпхæн. Уый дæр арæзт уыдзæн ацы аз 3 хайæ. Рагагъоммæйы уон ацæудзæн: 21-æм апрелæй – 16 маймæ, сæйраг: 22-æм майæ 30-æм июнмæ, уæлæмхасæн рæстæг та уыдзæн 4-æмæй 18-æм сентябрмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv