Пенсимæ рацæуджыты ахуыр кæнынц ног дæсныйæдтыл

Ацæргæ адæмæй, кусын кæй фæнды, уыдоны уавæр хуыздæр у. Цæгат Ирыстоны национ проекты фæлгæты æххæст кæнынц сæрмагонд программæ «Хистæр фæлтæр». Уымæ гæсгæ, пенсимæ рацæуыын`вæнд чи кæны, уыдонæн фадаь ис ног дæсныйæдьыл сахуыр кæнын. Ахæм ахуыртæ цæуынц Цæгат Кавказы аграрон-технологон колледжы. Дзуапп дæттынц «Ворлдскиллс»-ы æппæтадæмон профессионалон стандарттæн. Хъарданты Къоста кусы Æрыдоны районы администрацийы. Фæлæ йæ æрæджы бафæндыди райсын ног дæсныйад. Ныр цалдæр къуырийы дæргъы цæуы Æрыдоны аграрон-технологон колледжмæ. Уым хъуамæ цыбыр рæстæгмæ райста æндадзæджы дæсныйад. Хъарданты Къоста ацы дæсныйад дзæгъæлы нæ равзæрста. Бацархайдта сæрмагонд программæйы. Пенсимæ чи нæма рацыд, уыдонæн ныр ис фадат райсын ног дæсныйад. Национ проект «Демографи»-йы фæлгæты, федералон проект «Хистæр Фæлтæр» æмæ «ВОРЛДСКИЛЛС»-ы йæдисы руаджы хистæр кары адæм сæхи фæлварынц алыхуызон дæсныйæдты. Æрыдоны районы цæрджытæ ацы программæйы фыццаг хатт нæ архайынц. Фарон дæр Аграрон-технологон колледжы разамынды хъæппæрисæй, 600 адæймагæй фылдæр райстой ног дæсныйæдтæ, кæнæ та сæ фæлтæрддзинад фæуæлдæр кодтой. Ацы аз дæр адæм зæрдæргъæвдæй пайда кæнынц ацы программæйæ. Фарон дзы кæд сылгоймæгтæ дæр архайдтой, уæд ацы аз та нæлгоймæгты нымæц фæфылдæр. Зæгъæм, хъæдимæ чи архайы, ахæм адæм дæр дзы ис. Гæззаты Иван æмæ Шота дæр æрæджы æрбацыдысты ардæм. Куыд зæгъынц, афтæмæй хъæдимæ кусын зын нæу. Цалынмæ нæлгоймæгтæ хъæдимæ кусынц, уæдмæ сылгоймæгты ахуыр кæнынц чъиритæ фыцын. Ахуыргæнджыты ныхæстæм гæсгæ, сылгоймæгтæ архайдзысты алыхуызон хуыссæимæ. Сæ ахуыртæ райдыдтой 10 мартъийы. Каст сæ куы фæуой, уæд та хъуамæ райсой сæрмагонд гæххæт сæ квалификаци кæй фæуæлдæр кодтой, уый тыххæй. Цæкат-Кавказы аграрон-технолгон колледжы цæугæйæ, бахæццæ стæм хуыйджытæ кæм архайынц, уыцы бынатмæ дæр. Ам дæр ахуыртæ сæ тæмæны сты. Кусынц алыхузон хъуымæцтимæ. Хъуамæ фыццаджыдæр сылгоймæгтæ базоной хуыйын, чысыл фæстæдæр та райдайой кусын хуыйæн машинæтимæ. Хуыйæджы куыст равзæрста Гаглойты Светланæ, фæдæ куыд йæ ныхæстæм гæсгæ, ацы дæсныйад ын ног нæу. Пенсийы агъоммæ уæлæмхасæн ахуыртæ пайда сты, афтæ зæгъы цы ахуырадон уагдоны цæуынц, уый разамонæг. Моурауты Алан фæнысан кодта дарддæр дæр ацы проекты кæй архайдзысты, уый. Ныридæгæн ахæм куыст кæнынц дыккаг аз. Ахуыртæ цæуынц 12 дæсныйадмæ гæсгæ. Уыдоныл хистæр кары адæмы сахуыр кæнын æнцон нæу. Хуыйæг, электрик, хæринаггæнæг, хъæддæсны, æндадзæг æмæ ма æндæр дæсныйæдтæ. Ацы ахуыртæ сты лæвар. Ног зонындзинæдтæ райсынмæ чи тырны, уыдонæн фадат ис проекты официалон сайтмæ бацæуын æмæ уым регистраци скæнын. Уый фæстæ та - ахуыртæм æрбацæуын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv