Горæты рæуджытæ

Республикон æрдзхъахъхъæнынады æхсæнады хъусынгæнинагмæ гæсгæ, Дзæуджыхъæуы хус бæлæстимæ фæзуæттæ бабирæ сты. 200-йæ фылдæр сты. Рагæй сæ хъуыд акалын. Кæнæ та сын сæ къалиутæ æрцæгъдын. Арæх расайынц уымæ æмæ шофыртæ суанг фæндаггон нысантæ нæ фæуынынц. Специалисттæ куыд зæгъынц, афтæмæй бæлæстæ æнæ экспертизæйы хатдзæгтæй калæн нæй. Ахæм лаборатори та нæ республикæйы нæй. РЦИ-Аланийы æрдзхъахъхъæныны æхсæнады наукон-техникон советы уæнг Джиголаты Ларисæ: «Кутузовы уынджы æмæ Къостайы проспекты баззадысты æнæхъæн бæлæстæ. Абоны бонмæ сæ цæуыннæ акалдтой, уый бæрæг у. Хъыгагæн нæм нæй бæлæсты низтæ чи бæрæг кæны, ахæм лаборатори. уый тыххæй та нæм æнæхъæн къохтæ фæзынынц». Уæдæ ныккæрдын кæй хъæуы, ахæм тъæпæнтæ дæр Дзæуджыхъæуы бирæ ис. Сæ фылдæр хæмпæлгæрдæджы бын фесты. Горæты администрацийы куыд зæгъынц, афтæмæй куыстуæттимæ бафыстой бадзырдтæ. Хъуамæ сæ алфæмблæйттæ сыгъдæг дарой. Хъыгагæн, се `ппæт сæ хæстæ не `ххæст кæнынц. Дзæуджыхъæуы Администрацийы аивдзинад æмæ фæлысты управленийы разамонæджы хæдивæг Хъороты Давид: «Абоны бонмæ æнæ закъонæй бæлæстæ чи акалы, уыдоны фæивар кæнынц. Цæстдарæн оргæнтæ ацы куыстмæ уæлдай бæрнонæй кæсынц. Дзæуджыхъæуы Администраци дæр сын æххуыс кæны. Æрвылаз нæм бæлæстæ акалыны тыххæй 5 сæдæ курдиатмæ ввахс бадæттынц». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv