Йæ фæздæг ын скалдзысты

Завод «Электроцинчы» уавæр дзырддаг ссис абоны сæрмагонд æмбырды. Сарæзтой йæ Æрдзхъахъхъæныны æхсæнады минæвæрттæ. Йæ архайджыты хъуыдымæ гæсгæ, зынгсирвæзты фæстиуджытæ нырма дæр бæлвырдæй бæрæг не сты. Куыд загътой, афтæмæй завод у сæхгæныны аккаг. Æппын нæйы, зæгъгæ, уæд та рахæцыдысты куыстуат горæтæй дæрддæф ранмæ ахæссыны фарс. Куыд зæгъынц, афтæмæй дыккаг ахæм фыдбылыз æрцæуынæй ныр дæр тæссаг у. Йæ ныхмæ ифтонггонд нæу санитарон фæз. Дзырддаг сси, заводы алыварс æндæр бæстыхæйттæ аразын цæмæ бауагътой, уый дæр. Уымæй уæлдай, ма социалон нысаниуæг кæмæн ис, ахæмтæ дæр - сывæллæтты рæвдауæндæттæ æмæ скъолатæ. Заводы разамынд хъуамæ се `дасдзинадмæ уæлдай къæрцхъусдæрæй кæсой. Æмбырды архайджытæ ма загътой, цæмæй скъолатæ æмæ рæвдауæндæттæ æддæдæр айсой. Фæлæ, профилон кусæндæтты минæвæртты ныхæстæм гæсгæ, ныртæккæ уый зынтæй рауайдзæн. Уымæн æмæ æнæуый дæр сывæлæттæн бынæттæ фаг не кæнынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv