Паддзахадон Думæ сфидар кодта мадæлон капиталæй спайда кæныны закъон

Паддзахадон Думæ сфидар кодта мадæлон капиталæй спайда кæныны закъон. Уый тыххæй схъæлæс кодта 397 депутаты, уымæй уæлдай ма ацы закъоныл сразы сты парти «Иугонд Уæрæсе»-йы уæнгтæ дæр. Ацы проекты автор у Уæрæсейы президент Владимир Путин, мадæлон капиталы проект райрæзын кæнын дæр уый хъуыдыйæ арæзт æрцыд. Ацы закъон лыг кæны бинонты бирæ фарстатæ. Социалон фарстатæ дæр адæмæн сæ бон уыдзæн аиуварс кæнын. Депутаттæ куыд фæбæрæг кодта, афтæмæй, гæххæттытæ тымбыл кæныны хъуыддаг дæр фæцыбыр кæндзысты. Бинонты иунæг хатт хъæудзæн æрбацæуын, ныффыссын курдиат, уым бæрæггонд уыдзысты æппæт хицæндзинæдтæ, æмæ сæ нотариусмæ цæуын нал хъæудзæн, цæмæй фатер райсой. Партийы проект «Крепкая семья»-йы регионалон координаторы хъуыдымæ гæсгæ, ацы закъоны проект хуыздæрырдæм сахаддзæн сывæллæттæ кæм ис, уыцы бинонтыл, уæлдай дæр æрыгон бинонтыл. Партион проекты активисттæ сæ хъус дардзысты ацы закъонмæ æмæ, дзы цы ног ивддзинæдтæ фæзына, уый тыххæй хъусын кæндзысты. «Иугонд Уæрæсе»-йы регионалон исæнуаты фæлгæты адæмы исдзысты æмæ сын бæстонæй æппæт информаци хъусын кæндзысты. Уæ зæрдыл уын æрлæууын кæндзыстæм, 10 февралы парти «Иугонд Уæрæсе» закъоны проектмæ бахаста ивддзинæдтæ, мадæлон капиталæй спайда кæныны тыххæй. Нысан кæнынц программæ 2026-æм азмæ адарддæр кæнын. Мадæлон капитал лæвæрд цæудзæн уыцы бинонтæн, 1-æм январæй 2020 азæй иу сывæллон кæмæн фæзына, уыдонæн, - райсдзысты 466 мины 617 сомы. Дыккаг сывæллон æмæ фылдæр кæмæн райгуыра, уыдон та райсдзысты 616 мины 617 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv