Арвыкомы фæндаг сæхгæдтой

Уæллаг Ларсы фæндаг та боныхъæды аххосæй æхгæд у уæзласæн машинæтæн. Куыд хъусын кæнынц, афтæмæй дзы сæмбырд 69 машинæйы. Хабары тыххæй радзырдтой республикæйы Æнæнхъæлæджы уавæрты министрады пресс-службæйы. Цæмæй адæм сæ уавæрæй ма стыхсой, уый тыххæй бынаты кусы хъармгæнæн пункт. Уым бæлццæтты бон у тæвд цай бацымын æмæ сæ фæллад суадзын. Кусы ма дзы æнахъом сабиты æмæ сæ мадæлты уат. Уыцы-иу рæстæг сидынц, хæстæгдæр рæстæг Гуырдзыстонимæ арæны сæрты ахизынмæ чи хъавы, уыдонмæ. Хъуамæ раздæр бæлвырд кæной боны ахасты уавæртæ, æмæ уыдонмæ гæсгæ аразой сæ балц. Боныхъæд та хæхбæсты тæргайгæнагæй уæлдай нæу. Уæлдæфы температурæ хæстæгдæр суткæйы уыдзæн 4-5 градусы уазал, уардзæн дзы къæвдатæ. Куыд зонут, афтæмæй Арвыкомы фæндаг цæуы Дзæуджыхъæуæй Тбилисмæ æмæ иу кæны Уæрæсейы Фæскавказы бæстæтимæ. Цæуы Цæгат Ирыстоны фæзуатыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv