Цæгат Ирыстоны медицинон академийы рауагъдонтæн радтой сæ дипломтæ

Цæгат Ирыстоны медицинон академийы рауагъдонтæн кадджын уавæры радтой сæ дипломтæ. Фидæны дохтыртæн арфæйы ныхæстæ загътой ахуыргæнæндоны президент, медицинон наукæты доктор Сæлбиты Хъазбег æмæ академийы ректор Олег Ремизов. Куыд фæнысан кодтой, афтæмæй æрыгон чызджытæ æмæ лæппутæ райстой хорз зонындзинæдтæ, æмæ ныр цы куыст кæндзысты, уымæ хъуамæ куыдфæндыйы цæстæй ма кæсой, сæ размæ кæй ис ахсджиаг нысæнттæ. Академи иттæг хорз бæрæггæнæнтимæ каст чи фæци, уыдоны нæмттæ хъæрæй бакастысты. Уый фæстæ фидæны дохтыртæ ард бахордтой, сæ хæстæ куыд æмбæлы, афтæ кæй æххæст кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv