Республикæйы фыццаг хатт сарæзтой кинофестиваль «Кинобарс»

Цæгат Ирыстоны байгом кодтой æппæтдунеон кинофестиваль «Кинобарс». Раздæр уал республикæмæ ссыдысты й` архайджытæ. Абон та йæ кадджын æгъдауæй байгом кодтой Ирон академион театры. Уазджытæ ма зонгæ кæндзысты алыхуызон кинонывтæ æмæ концертон программæтимæ. Абон ма у уæрæсейаг зынгæдæр артисттæ æмæ режиссерты дæсныйад æвдисæг ахуырты бон дæр. Уæ зæрдыл уын æрлæууын кæндзыстæм, ахæм кинофестиваль нæ республикæйы фыццаг хатт кæй цæуы. Йæ саразджытæ æмæ амидингæнджытæй иу у не мзæххон, актер Дыгъуызты Алан. Йæ сæйрагдæр хæсыл нымайы Ирыстоны киноимæ баст аивад сног кæнын. Кинофестивалы программæ у хъæздыг. Адæмæн равдисдзысты 19 кинонывы. Иуæй-иутæ дзы ныридæгæн федтой суанг фæсарæнты дæр. Бафтаудзыстæм ма уый, æмæ уæ кинофестивалы цыдимæ бæстонæй зонгæ кæндзæн нæ телеканал дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv